Sunnylven og Stranda spelte ein sjansemessig jamn kamp i lokaloppgjeret på Hellesylt stadion, men det var gjestane som scora flest mål og vann dermed kampen 2-1.

I første omgang starta Stranda best, og hadde eit par avslutningar i aluminiumen, men Sunnylven kom sterkare etterkvart og burde scora før pause.  Midt i den beste perioden til heimelaget scora gjestane på ei kontring, og dermed leiing ved halvvtid.

Etter pause auka Stranda leiinga etter frispark, men Sunnylven gjorde avslutninga spennande med å redusere på straffespark ved Bård Forbord. Mot slutten kunne det blitt scoringar begge vegar, men ingen av laga makta å få avslutningane i mål - og derfor endte det med tre poeng til opprykksjagande Stranda.