FK Sykkylven var det sterkaste laget i 1.omgang og scora tre mål mot eit tafatt heimelag, som ikkje skapte farlegheiter i denne omgangen.
Etter pause auka gjestane til 4-0 før Sunnylven vakna. Laget orka meir, sprang meir og jobba meir som eit lag denne omgangen og fekk utteljing på sjansar. I tur og orden reduserte Alf Ole Sundgot (frispark direkte i mål), Bård Forbord (straffespark) og Helge Tryggestad (kampens finaste scoring). Med tre reduseringar var brått heimelaget med igjen, og mot slutten kunne det blitt fleire scoringar begge vegar. Når FK Sykkylven fekk sitt femte mål ikkje lenge før slutt, så var kampen avgjort og tre poeng gjekk til gjestane.
