Sunnylven spelte ein godkjent første omgang, der laget gjorde avgjerande feil i begge endar av bana.  To gongar aleine med keeper gav ikkje resultat, og når laget vart straffa etter to defensive feil gjekk laga til pause med 2-0 til heimelaget, Bergsøy.

Etter pause fortsette Sunnylven med defensive feil som førte til scoringar, og når laget i tillegg vart slitne mot slutten vart sluttresultatet stygt for gjestane, heile 7-0 stod det når kampens gode dommar, Jan Lund, blåste av etter gjennomførte 90 minutt.

Med fleire spelarar ute med skade til denne kampen vart det nytta heile seks spelarar frå juniorlaget til denne kampen.  Hans Kristian Hjellbakk Hole debuterte fra start og gjorde ein god figur, men lagets beste spelar var Olav Åge Åsen, som var veldig bra i denne kampen.