Sunnylven drog til bortemøtet mot Åram/Van.kam med eit ungt og spanande lag, eit mannskap som skulle vise seg å overraske. Etter 93. minutt stod det 1-1 som også vart sluttresultatet og poengdeling.

Begge lag trong poeng, heimelaget mest. ÅVK starta hardt og hadde gjestane under eit visst press dei fyrste minutta. Men Sunnylven kom klar stormangrepa med mellom anna skot i tverliggaren, heilt til 35. minutt då det stod 1-0. Også raudetrøyene frå Hellesylt var frampå utan at det vart nettkjenning.

Andre omgang starta Sunnylven best og hadde sjansar til skoring før spelet etter kvart jamna seg ut. Også ÅVK var med på notane, men skapte lite. Det såg ut til å gå mot heimesiger, men tre minutt inn i tilleggstid skora Sunnylven utlikningsmålet ved Kim Sture Flo. Om jubelen var like ekstatisk på Eidsåvoll som etter skoring mot Stranda under Sommardagane, er ukjent, men gav eit viktig poeng til Sunnylven.

Det vart ein jobbekamp for gjestane frå Hellesylt. Få hadde venta poeng då mange av dei faste på laget var ute med karantene, skade eller på reise. Men stor innsats frå fleire lønte seg og gav eit viktig poeng.