Kampen fekk verst tenkeleg opning for gjestane frå Sunnylven. Etter eitt minutt kom eit langt framspel som Sunnylvsforsvaret avklara, men returen frå Norborg og 25 meter gjekk i mål utan sjanse for Daniel Berbecki. Eit kanonskot og 1-0 til heimelaget.

Etter det jamna kampen seg ut, og etter 18. minutt fekk Sunnylven straffe. Alf Ole Sundgot var på eitt av sine mange løp og vart hindra ulovleg meinte assistentdommar. Straffesparket sette Bård Forbord sikkert i nota.

Ti minutt før pause gjekk så heimelaget opp til 2-1 på ein sjanse som burde vore klarert. Litt småslurv av Sunnylven, det var også gjennomgåande for heile kampen.

Pangstart

Etter to minutt i andre omgang fekk Alf Ole Sundgot betalt for mykje jobbing heile kampen igjennom. Ei pasning frå Bård Forbord tok Alf Ole godt vare på og skåra sikkert. Ut over i omgangen var Sunnylven det beste laget med dei fleste og største sjansane . Norborg trykte hardt på dei siste fem minutta for sigersmål, men Sunnylven sin bestemann, Daniel Berbecki heldt buret reint. Dermed enda kampen uavgjort 2-2.

Sunnylven sin målmann var god, også Jørgen Helset spela ein ny god kamp og Alf Ole Sundgot er alltid fårleg. Også resten av mannskapet til Sunnylven får godkjent, for raudetrøyene kunne med litt hell ha henta alle poenga torsdag.