Stordal vann gutekamp
Stordal vann 5-4 mot Sunnylven i G16-kamp på Hellesylt grus søndag. Dei to laga kjempa om leiinga heile kampen gjennom på ei våt og sleip bane.
Stordal var tidleg i leiing 2-0. Men også gutane i raudt og blått viste at dei kunne lage mål og i løpet av få minutt dundra Sunnylven inn fire bak Stordal sin gode keeper, to kvar av Daniel Nybø Støverstein og Olav Erling Aaland. Stordal reduserte ein gong i fyrste til 4-3 ved pause. I andre omgang utlikna Stordal, og like etter fekk dei vinnarmålet.
Det unge gutelaget til Sunnylven som i vår spela i G14, viste nok ein gong at her har klubben gode spelarar å bygge framtida på.
Desse spela: Frode Hauge, Sondre Nybø Støverstein, Hans Kristian Hjellbakk Hole, Henning Frøysa, Asbjørn Kvam Karbø, Ole Hjalmar Bonsaksen, Daniel Nybø Støverstein, Olav Erling Aaland, Øyvind Hole.
