Sykkylven 2 stilte med same lag som slo Sunnylven 5-2 tidlegare i vinter. Det var ikkje godt nok måndag kveld, for då var det meir fart over 4.div.-laget.

Alle jobba langt betre og prøvde å spele fotball, noko som gav resultat alt etter 3. min. Ein corner frå Ole A. vart stussa i mål av Hans Kristian. Det stod 2-0 etter 13. min., også då etter corner frå Ole A., og denne gongen var det Kim Sture som sette ballen i mål. Og det heldt fram å trille inn bak keeperen frå møbelbygda. 3-0 etter 23 min. ved Olav Åge, 4-0 ved Terje på heading, og 5-0 like før pause ved Ole A.

I andre omgang kom måla slik. 6-0 etter 48. min. ved Hans Kristian, 7-0 etter 49 min. ved Terje, 8-0 etter 56 min. ved Terje, 9-0 etter 82 min. ved Kim Sture, og 10-0 i 89. min. ved Olav Åge.

Det vart ein roleg kveld for debutant i Sunnylvsmålet, Kåre Andre Bjørnes. Sykkylven 2 hadde sjansar til å skore i fyrste omgang, men gode inngripen av Bjørnes både i feltet og på strek hindra baklengs. Sjølv om motstandaren ikkje var av beste klasse, viste Sunnylven til tider bra spel. Det er framleis er ein del å rette på, men oppgjøret viste meir plan i angrepa til Sunnylven enn i tidlegare treningskampar.