Sunnylven hadde med 19 spelarar til kampen og alle fekk speletid. I andre omgang bytte trenar Sindre Hjelle inn heile åtte mann.

Trond Ljøen gjorde 1-0 etter 9. minutt, Alf Ole Sundgot auka leiinga i det 22. og 27. minutt. Sæbø reduserte etter 55. minutt, før Alf Ole Sundgot skora sitt tredje etter 77. på straffespark. Sunnylven brende også eit straffespark på slutten av fyrste omgang.

Trenaren sin kommentar:
Det var stor forskjell på underlaget frå det vi har trent på dei siste dagane, snø – is – hard grus der ispiggar har vore naudsynt, til det ”perfekte” dekket på CLS. Kanskje derfor tok det nesten ti minutt før vi kom i gong med spelet vårt.
Etter ni minutt fekk vi utteljing etter eit langskot av Trond Ljøen. Etter dette kunne/burde vi auka leiinga utan vi lukkast før halve omgongen var gått. Då skorar Alf Ole sitt første mål for dagen etter godt spel som enda med pasning i rommet der Alf Ole ikkje gjorde noken feil åleine med keeper. Og berre fire-fem minutt seinare kom reprisen; Alf Ole lagar sitt andre for dagen. 3 - 0 vart også pauseresultatet etter ein omgong Sunnylven tidvis viste bra spel, både offansivt og defansivt. Sæbø hadde ikkje meir enn ein skikkeleg sjanse dei første 45 minutta.

Mindre bra i andre
Etter pause fall vi i lange periodar i prestasjonane. Vi vart upresis i pasningsspelet, rørsla vart meir i rykk og napp, og dermed miste vi ballen for lett for mange gongar. Sæbø fekk fleire overgangar, og skorte også etter ein stygg feil av oss på eigen halvdel. Likevel spelte vi oss til ein del moglegheiter i denne omgongen også, sjølv om vi måtte ha straffespark for å få utteljing. Dermed vart det tre mål på Alf Ole, så han veit i alle fall kvar målet står i år også. Utover i kampen fekk alle dei 19 spelarane våre prøve underlaget, mange med positive innhopp !

Neste kamp vert no laurdag i Sognahallen mot Kaupanger. Det vert nok ei mykje vansklegare oppgåve enn dagens motstandar…