-Mykje positivt der fleire spelarar gjennomførte ein god kamp. Keeper stod godt i mål og dirigerte forsvaret godt, og Jan Ove Aslaksen var tilbake og viste gryande storform etter  skadeavbrekk. Han og Alf Ole Sundgot var mellom dei beste i dette oppgjøret, tykte trenaren.

Kaupanger var eit fysisk sterkt lag, men brende seg stygt på farta til Alf Ole Sundgot. Sunnylven spela i rommet bak forsvaret, oppspel som den raske spissen til Sunnylven omsette i fire mål. Dei andre kom ved Ole A. Ringdal, Arne Storstein og Jan Ove Aslaksen.  

Mykje positivt av mange spelarar, og eit stort steg framover i høve til kampen mot Sæbø, tykte Sindre Hjelle.

Sunnylven brende eit straffespark, det same gjorde Kaupanger, men skora trøstemål etter 14. minutt.