Det var knytta stor spaning til lokaloppgjøret mellom Stranda og Sunnylven i 4. divisjon. Mykje folk kom til Stranda stadion etter kvart for å bivåne oppgjøret som ikkje vart av dei mest velspela. Dryling av lange ballar utan særleg god adresse prega oppgjøret.

Frispark felte Sunnylven
Etter 11. minutt blir det 1-0 til vertane på frispark som Thomas Roset skallar i mål.

Espen Magerøy, vikar for ein sjuk Tommy Torsvik , var sjanselaus. Magerøy som spela sin andre a-kamp, var god mellom stengene, mellom anna redda ham meisterleg straffespark til Stranda på stillinga 1-1 fem minutt før pause.

For etter 34. minutt hadde Sunnylven utlikna ved Ole Arnstein Ringdal. Etter hjørnespark stussa han ballen over keeper Thomas Hove og i mål. Det var kampens flottaste skoring.

Då var jubelen enorm på Stranda stadion frå ein stor flokk supportarar av bortelaget. Jubelen tagna i siste speleminutt av omgangen. Nytt frispark til Stranda som går i tverrliggaren og ut. Der er Frode Fausa langt framme og dundra ballen i mål, og til godkjent frå assistentdommar.

Andre omgang var berre tre minutt då heimelaget får nytt frispark. Kato Vangen set ballen i mål, ein situasjonen som minte mykje om offside med fire blåkledde langt innafor Sunnylven sin bakerste mann, men flaggviftaren godkjenner.

Etter 70. minutt punkterer vertane kampen for godt med si fjerde skoring. Raske Steffen Lilleås blir takla ulovleg i feltet, og straffesparket set Espen Hove i mål. Magerøy hadde handa også på den straffen. På sine to a-kampar har Sunnylven sin unge vikarkeeper redda to av tre straffespark.

Det var stor fart over kampen i fyrste, i andre dala tempoet noko. Sunnylven var godt på høgde med Stranda i denne kampe, men vart straffa for tøffe taklingar som enda i frispark.

Etter denne kampen ligg Stranda på andre plass på tabellen, og er på full fart mot 3. divisjon der dei var sist sesong.