Jan Ove Aslaksen starta måljakta og gav Sunnylven leiinga 1-0 i 3. minutt. Eit kvarter ut i omgangen får Hovdebygda eit tvilsamt straffespart og utlikna til 1-1. Håpet om poeng skulle likevel slokne ganske fort for heimelaget. Målmaskina Alf Ole Sundgot gjorde tre mål i siste heimekamp og torsdag slo han til på bortebane og gav gjestane i rødt og blått leiinga 2-1 etter 17. minutt. Det var stillinga ved pause.

I andre auka Sundgot til 3-1 for Sunnylven i 83. minutt, og det vart sluttresultatet.

Lagkaptein Arne Storstein var naturleg nok svært godt fornøgd med resultatet, og kampen. Sunnylven var solide i alle lagdeler, Hovdebygda hadde knapt ein einaste reell målsjanse i fyrste omgang. Straffesparket etter 15. minutt var tvilsamt, då var felling av Alf Ole Sundgot minuttet før like klart.

Ein fortent og utruleg viktig siger meinte lagkapteinen. Med resultata frå dei andre kampane har vi skaffa oss ei luke til laga bak.

Siste før sommarferien er borte mot Blindheim. Alt kan skje , og vi går for siger så kampen kan bli rein bonus, slår Arne Storstein fast. Mot Hovdebygda spela han sin kamp nr. 505 for Sunnylven.