Etter ein jamn start tok SIF 2 meir og meir over spelet og pressa Sunnylven
i fyrste omgang. Men det var gjestane som skora fyrst. Etter 21 min. peika
dommar Kjell Erik Sletta på kritmerket for straffe etter at Alf Ole Sundgot
vart felt. Arne Storstein sette ballen i mål.
SIF 2 stilte med fleire som spelar 3. divisjon for fyrstelaget, og
Sunnylven hadde nok med å forsvare seg. Etter 37 minutt var det balanse i
rekneskapen, og det stod 1-1 ved pause.

Jobba godt på slutten
I andre tok så by-laget leiinga 2-1 etter 63 minutt, men fire minutt før
slutt ordna Ole A. Ringdal 2-2 og dermed det fyrste poenget for trenar
Hjelle sitt mannskap denne sesongen.
Resultatmessig var tenaren nøgd, men ikkje med spelet laget hans viste.
Begge måla kom frå kanten som innlegg, der sleit laget i denne kampen.
Han gjev likevel ros for innsatsen, spesielt siste del av andre omgang med
mellom anna skot i tverrliggaren. Der kunne Sunnylven ”røva” til seg alle
poenga, om enn litt urettferdig.
På nytt stod Tommy Torsvik godt i mål og var kanskje laget sin best. Men
også fleire andre spela til meir enn godkjent, tykte tenaren og gav ros til
mellom anna dei fire innbyttarane.

Neste kamp er heime på Hellesylt stadion mot Norborg.
Tre spelarar vart skada i kampen på Hessa kunstgras, Kim Sture Flo, Vidar
Even Leite og Arne Storstein. Trenar Hjelle håper dei er klar til torsdag
4. mai.