Poeng var ikkje avgjerande då HaNo og Sunnylven møttest i årets siste serielkamp laurdag. Begge var sikra ny kontrakt i divisjonen med plasseringar omlag midt på tabellen.

Sunnylven opna oppgjeret best, og etter knappe halvtimen tok laget leiinga. Eit frispark frå midten av Arne Storstein var innom ein HaNo-spelar før Bård Forbord ekspederte ballen vidare i mål bak Vidar Nogva. Få minutt seinare var det balanse i rekneskapen, då Lars Petter Haram skora for heimelaget.

Andre omgang opna med fleire gode tilbod og godt spel av Sunnylven, men etter omlag halvspela omgang avgjorde heimelaget kampen med tre skoringar i løpet av seks minutt.
Fyrst Kenneth Ulla, så Per J. Fjørtoft, før Lars Petter Haram fekk sjansen frå 11-meteren og sette inn sitt andre for dagen.

Det hjalp lite at Jan Ove Aslaksen redusete på sitt kjempemål i det 80. minutt. Heimelaget tok alle poenga i kampen som ikke betydde noko for tabellen, men kanskje som best i innbyrdes oppgjør for spelarane.

For Sunnylven blir vel ikkje kampen plassert på fyrste side i minneboka, i alle høve ikkje for Alf Ole Sundgot og Kalle Hjelle. Begge måtte "i dusjen" før siste fløytesignal var gått frå dommar Svein Ivar Årskog etter at begge fekk to gule og dermed rødt kort på slutten av kampen.

Knurt Martin Tryggestad årsdebuterte i mål for Sunnylven og gjorde ingen store feil. Godt innhopp også av gutespelar Leif Rune Tryggestad, som spela siste 20. minutt for Sunnylven.