For å vere sikker på ny kontrakt i divisjonen neste år, burde nok heimelaget teke alle poenga.

Bylaget kom med eit godt mannskap, og var fårleg i fyrste omgang. Det skulle ikkje gå meir enn fem minutt av omgangen før dei var i leiinga.
Buhran Cinar runda keeper Bjørnes og skora sikkert. SIL2/Hessa heldt fram å trykke på, men ein god sunnylvskeeper og sikkert forsvarsspel, spesielt av heimelaget sin bestemann, Arne Storstein, hindra fleire skoringar til gjestane.

Etter 31 minutt kom utlikninga. Ei lang tversoverpasnig til Hans Kristian Stadheim vart dempa ned og plassert forbi burvaktar Torsen og i mål.

I andre omgang kom Sunnylven sterkare, og spela seg til fleire skoringsmulegheiter, men forsvarsrekka til botnlaget let seg ikkje overliste.

Dermed vart det 1-1 og poengdeling i oppgjøret som vart sett av 40 betalande påtribuna.

Dommaren delte ut to gule til heimelaget og eitt til gjestane sin keeper. Det burde kanskje hatt ein annan farge som straff for fellinga av Alf Ole Sundgot.

Folkejuryen kåra Arne Storstein tilheimelaget sin beste spelar.