Sunnylven mønstre likevel eit mannskap som dominerte totalt i fyrste omgang. Angrep på angrep bølga mot gjestane og keeper Ottar Inge Rusten. Midtbana til Sunnylven med Petter Arne Overå, Jan Ove Aslaksen, Hans Kristian Stadheim og Håkon Mikal Dalen jobba stort.
Vel halvvegs i omgangen vart det teljande resultat. Alf Ole Sundgot dundra inn leiinga og sitt 7. seriemål så langt. Same spelar auka til 2-0 tre minutt seinare på straffespark etter ein hands i feltet.
Ikkje straffespark
Heimelaget hadde kontroll , og burde laga meir nettsus, men i staden vart det gjestane som kunne juble. Ei kontring vart klarert reint og kontant av Arne på 16-meterstreken, men dommar Sletta dømde straffespark. Ei feil avgjerd.
Feila gjorde derimot ikkje Ole Per Kragset som sette ballen i mål frå straffemerket. Dermed gjekk laga til pause med 2-1 til Sunnylven.
I andre omgang jamna spelet seg ut, Sunnylven si midtbane ”ramla litt ut ”, og Åram/Van.kam fyrte av kanoner tidt og ofte i medvinden. Det var difor ikkje ufortent at Bjørn Ove Åland utlikna etter 57 minutt. Vanylvs-laget kunne med litt hell også ha teke leiinga, det var stolpeskot og reddning på strek, litt ”Hawaii” kring Henning Nydahl i mål.
Mot slutten kom imidlertid Sunnylven tilbake, og mål av skoringsveteran Jens Arve Forbord og 19-åringen Hans Kristian Stadheim fastsette sluttresultatet til heimesiger 4-2.
Bestemann
Ei knakande god midtbane er nemd, Henning i mål kunne lite gjere med dei to som gjekk inn.
Også dei fire i forsvarsrekka, Olav Åge, Tor Odd, Vidar Even og Arne var solide, med sistnemde som klippa. Sikker og rask i beina og ein herskar i luftrommet.
Likevel, frå publikumsjuryen vart det ikkje poeng. Dei kåra Jan Ove Aslaksen til Sunylven sin beste denne gongen.
Framme gjekk Alf Ole og Jens godt i spann. Alf Ole Sundgot står no med 8 seriemål, og luktar på ein ny toppskorartittel.