Sunnylven fekk ei god opning på kampen, med to raske mål og dermed 2-0 leiing før 15 min var spelt. Tonny Åsen sette straffesparket i mål etter felling av Hans Kristian Stadheim og Vidar Even Leite netta rett etter og auka leiinga.

Laget hadde i denne kampen eit heilt nykomponert forsvar, og etter litt startproblem spelte alle fire seg varme og klarte seg godt.
Likevel hadde Stordal nokre farlegheiter i 1. omgang, der Sunnylven måtte redde på strek og ha hjelp av tverrliggaren for å halde buret reint til pause. Store sjanser var det på motsatt halvdel også, og kun udyktigheit og litt utur gjorde at Sunnylven ikkje scora meir. Tonny Åsen hadde også sjansen på nok eit straffespark, men denne gongen redda Stordalskeeperen.

Rett før pause fekk Stordal utvist ein spelar etter to fellingar og to gule kort.

2.omgang vart eit langt angrep mot Stordalsmålet, mange sjanser vart skapt, mange avslutninger vart gjort og mange redninger på strek og av keeper vart gjort.

Faktisk var det Stordal som scora først i 2.omgang, eit frispark var halvklarert og Robert Vidhammer kunne enkelt redusere til 2-1. I løpet av dei neste minutta punkterte Sunnylven kampen heilt, to raske mål og Stordal var igjen sjanselause på poeng.
Først Tonny Åsen og deretter Ole Arnstein Ringdal scora måla etter gode angrep frå Sunnylven.

Sjølv om kampen egentlig var over, så putta Sunnylven to gongar til ved Vidar Even Leite og Tonny Åsen. Sluttresultatet 6-1 var ikkje eit mål for mykje, men tross alt ein solid siger og ei fin avslutning på ei god sesong.