Heimelaget vann 9-1 etter 3-1 ved pause. Sunnylven sitt mål kom på frispark frå 17 meter ved Kalle Hjelle.

Blindheim/Emblem tok ei tidleg 2-0 leiing. Sunnylven var bra med i fyrste omgang, og reduserte i det 44. minutt. Minuttet etter var det ny skoring for heimelaget og 3-1 til pause. Det målet øydela alt for Sunnylven, for i andre omgang våga heimelaget å angripe med heile laget høgt, og det gav resultat og ei pinleg forestilling for Sunnylven.

Blindheim/Emblem fekk alt til å stemme i kampen som gjekk på ei grøn, men noko ujamn bane. Spesielt i andre omgang var dei svært effektive, det vart mål på nesten alle målsjansar.

Ingen ting stemte
Sunnylven sitt mannskap spela fotball på eit plan langt frå det dei har vist i serien tidlegare i år. Ingen ting var som normalt, høge oppspel med feil adresse og mange "blunderar" i forsvaret, laget mangla det engasjement som har blitt vist i tidlegare kampar. Laget vart også for temposvake mot eit heimelag som strutta av sjølvtillit etter kvart som måla rasa inn.

Å leite etter årsaka til stortapet, skal vi la andre gjere. Dette var dagen då eingen ting stemte, for Sunnylven kan så langt mykje betre.

Det får laget sjansen til å bevise alt torsdag på heimebane mot Ellingsøy.