Til denne kampen mangla Sunnylven Kåre Bjørnes (ferie), Bård Forbord (karantene) og Tonny Åsen (konfirmasjon), men stallen er i år solid, noko som alle erstattarane beviste i denne kampen.

Jens-Arve Forbord fekk sjansen frå start og tok den med begge hendene, han scora tidleg til 1-0 leiing, og seinere vart han felt slik Alf Ole Sundgot fekk utlikne til 2-2.
Etter pause var Jens-Arve frampå og utlikna til 3-3.

Sunnylven spelte bra fotball i heile kampen, med god bevegelse både på midtbane og angrep, og klarte å skape ein heil del sjanser på den tunge og våte bana.

Likevel var det Skarbøvik 2 som leia 3-2 til pause, dei utnytta sjansane sine godt, men kanskje burde forsvaret rydda unna betre enn dei gjorde.

Sunnylven gjekk knallhardt ut i 2.omgang og gav ikkje Skarbøvik 2 nokon sjanse. At laget scora tre mål og vant kampen var det ingen som kunne seie noko på. Sjanser kom på løpande band, og forsvaret til Skarbøvik 2 fekk til tider skikkelig juling. Stor fart på ballen og på ivrige Sunnylvs-angriparar, førte til mange sjanser, og når Sunnylven i tillegg klarte å vise godt forsvarsspel var det ingen tvil om kvar sigeren skulle gå.

Med denne sigeren er Sunnylven fortsatt med i toppen, og i neste kamp venter topplaget Vigra på Hellesylt torsdag. Til den kampen er alle spelarane disponible, og trenarane får eit luksusproblem med å velge den rette lagoppstillinga.