Verdenskrig - Idrettsstreik

Mellom andre Skarebakken vart nytta til illegale renn under krigen. Her er Gunnar Sårheim i svevet i 1945.

Det tyske nazistyret søkte her i landet å fremje sin politikk mellom anna gjennom å skaffe seg kontroll over dei friviljuge organisasjonane. Dei oppretta såleis eit eige "Idrettsforbund" der dei ville at flest mogleg av idrettslaga skulle stå tilslutta.

Men Sunnylven Idrottslag, som dei andre laga i bygdene omkring, nekta å gå inn i det tyske idrettsforbundet. Den landsomfattande idrettsstreiken som vart sett i verk, fekk mest full oppslutning.

Følgjeleg vart det ikkje halde noko offentlege tevlingar i krigsåra. Men idrettsaktivitetane låg ikkje heilt nede her i bygda for det. Fleire hopprenn vart tildømes avvikla illegalt. Dei mest nytta bakkane til desse var i Skaret og i Grønereina i Torskedalen.

Liknande tevlingar vart haldne i dei andre bygdene omkring.