Årets fjerde seriekamp for Sunnylven var på Åheim, der heimelaget hadde opna med to strake sigrar før møtet med Sunnylven.  Etter kampen var det gjestane som kunne juble for tre viktige poeng etter siger 2-1.  Alf Ole Sundgot ordna leiing til pause før Henning Frøysa dobla leiinga rett etter pause, Åheim reduserte om lag midtvegs i 2.omgang.

Eit godt heimelag møtte god motstand i Sunnylven denne kvelden, men til tross for at Åheim hadde nokre sjansar meir enn Sunnylven så var det gjestane som var mest effektive. Laget utnytta to av sine fire-fem sjansar og forsvaret, med Daniel Støverstein i spissen, sørga for at Åheim kun fekk ei scoring.

Kampen hadde ein del småstygt spel, og før kampens dommar fekk lagt lista så kunne det utarta seg til å bli stygt. Nokre episodar vart oversett, som eit straffespark til Åheim og eit slag frå ein Åheim-spelar, men alt i alt så oppførte gjestane seg eksemplarisk med stor innsats og vilje til å vinne.

Laget:
Eirik Stenberg, Per Ove Frøysa, Daniel Nybø Støverstein, Robert Tryggestad, Henning Frøysa, Helge Tryggestad, Bård Forbord, Hans Kristian Hjellbakk Hole, Eivind Louis Helset, Olav Erling Aaland, Torstein Tafjord.
Nytta innbyttar var Alf Ole Sundgot.

Dommar var Dag Harald Moldskred, Hareid IL - han delte ut to gule kort til Sunnylven og tre-fire til Åheim.