Første seriekampen i haust vart i påvente av at kunstgrasbana på Hellesylt skal bli klar spelt på Hornindal Park - ei flott grasbane.

Sunnylven var overlegne i denne kampen mot Gjerdsvika, som ligg sist på tabellen.  Etter halvspelt kamp leia heimelaget 5-0, og når dommaren blåste av kampen hadde Sunnylven scora ytterlegare sju mål, medan Gjerdsvika hadde fått to trøystemål.  Dermed solide 12-2 for Sunnylven, som no ligg på tredjeplass på tabellen.

Alf Ole Sundgot scora heile 7 mål denne kampen, medan Bård Forbord, Hans Kristian Hjellbakk Hole, Helge Tryggestad, Andreas Fjørstad og Henning Frøysa sørga for dei fem andre måla.

Laget: Eirik Stenberg, Per Ove Frøysa, Asbjørn Kvam Karbø, Robert Tryggestad, Kenneth-Andre Hole, Helge Tryggestad, Bård Forbord, Hans Kristian Hjellbakk Hole, Olav Erling Aaland, Andreas Fjørstad, Alf Ole Sundgot.

Nytta reservar var Daniel Nybø Støverstein, Leif Rune Tryggestad, Henning Frøysa og Sondre Nybø Støverstein.

Dommar Per Bjarte Ludvigsen, Ørskog IL, dømde godt og delte ut eitt gult kort til gjestane, Gjerdsvika.