G19: Avslutta med kanonkamp
Sunnylven sitt G19-lag har gjort ein meget god haustsesong, og i siste kamp vart Stranda slått heile 4-0 på Stranda stadion.
I gårsdagens kamp på Stranda stadion var det heimelaget som starta best, men utan å skape sjansar framfor Sunnylven-målet. Etterkvart kom gjestane meir inn i kampen og scora på sin første sjanse, og når laget auka leiinga rett før pause var det fornøgde Sunnylven-spelarar som satt i garderoba.
Etter pause var det fortsatt langt mellom sjansane til Stranda, medan Sunnylven stadig kom til gode sjansar etter fleire gode angrep. Laget scora to flotte mål til, og kunne reise tilbake til Hellesylt med ein sikker 4-0 siger, medan Stranda-spelarane nok ein gong fekk ein tung kveld etter å ha møtt Sunnylven.
Med denne solide sigeren passerte Sunnylven Spjelkavik på tabellen, og endte på 2.plass - Brattvåg vann avdelinga, tre poeng føre Sunnylven og Spjelkavik.
Skriv kort ei årsak for det