Godt fornøgde damer

Fyrst var det topplaget Volda vi skulle møte, på Stranda stadion. Det var ikkje akkurat ein kamp vi gledde oss til, men vi var veldig spente. Vi spelte ein veldig god kamp mot dei, det var ein heilt annan kamp den i Volda, som var gløymt for lenge sidan. Sjølv om at dei pressa oss store delar av kampen og fekk eit tidleg mål, heldt vi imot og vant ballen og like før pause utligna Kirsti. Det var 1-1 heilt til slutten av kampen, men så scorte Volda seiersmålet og kampen enda 1-2. Dei vant vel eigentleg fortjent, men at vi gav dei kamp, det gjorde vi!

Så var det tid for siste kampen for sesongen, som skulle spelast i Spjelkavika. Vi var veldig spente på kva lag dei kom til å stille med og om dei var blitt bedre sidan sist, då vi vann 8-1. Kampen var ikkje av dei beste lagmessig, men der var nokre så skilde seg ut og det var ein spennande kamp! Fyrst scorte Ingelin eit fint mål, ganske tidleg i første omgong. Deretter klarte Vika å putte 2, og stillinga var 2-1. Ei lita stund før pause var det vår tur, Ingelin scorte sitt 2 mål og stillinga stod 2-2 til pause. Etter pausen, gjekk det veldig fram og tilbake. Vi var slett ikkje sikre på seier, men Ingelin var i slaget, scorte sitt 3. mål for dagen. Etter 2-3, klarte Vika nok ein gong å utligne og trener Hans var litt smånervøs der han stod på sidelinja. Det var berre knapt eit kvarter igjen av kampen, men Ingelin hadde meir å gi og putta sitt 4 mål. Etter det skjerpa vi oss og heldt tett bakover, mens Ingelin fortsette å imponere og punkterte kampen med sitt 5. mål for kampen. Ein herleg seier og ei kanonavslutning på sesongen. Å slå Spjelkavik er alltid like deilig!