Molde og Isfjorden arrangerer KM langrenn

Sunnylven IL deltek med tre løparar som alle er gode nok for det øverste trinnet på sigerspallen, i alle fall sterke medaljekandidatar.

Aller største favoritt er Anniken Hjellbakk Hole som har hevda seg mellom dei 10 – 12 fremste i Norgescupen så langt i vinter. Kanskje kan Karoline Bjerkeli Grøvdal frå Isfjorden by på kamp om gullet om ho stiller til start. K 19/20 går 5. km. både i fristil og klassisk.

Same distansar går Hans Kristian Hjellbakk Hole i G 16. Så langt i vinter har han delt på topplassen med Bjørn Lundanes, Emblem. Det blir nok ein duell mellom desse to også i helga.

Olav Erling Aaland går i G17 over 10 km. i begge stilartar. Dette er ei av dei store årsklassene med gode løparar både frå Molde & Omegn, Stordal og Surnadal. Sunnylvsløparen er også i form og kan vise til ein sterk 62. plass frå Norgescup for to veker sidan.

Ei spanande langrennshelg er i vente.