Flott avslutning på KM

Det var klassevis fellesstart under løpa på andre dag på Bondalseidet, så mange oppgjør enda med knappast mogleg tidsmargin mellom løparane. Hans Kristian Hjellbakk Hole hadde som venta full kontroll på konkurrentane i gutar 15 år. Som i fristil dagen før var det Bjørn Lundanes frå Emblem som kom nærast.

Meir dramatikk vart det i gutar 16 år. Her leia Øyvind Hole i innspurten mot mål. Men så skjedde det som ikkje skulle skje, handtaket losna frå staven og gode Øyvind hadde berre ein stav å spurte med. Dermed stakk Surnadal sin gullgut frå dagen før, Ole Sæterbø forbi til nok eit gull. Øyvind berga andreplassen, ei flott plassering også det å ta med heim frå eit KM i langrenn.

Anniken Hjellbakk Hole i J 18 gjekk på nytt eit godt løp. Også tidsmessig var ho på høgde med løparar i klasser over.

Stranda fekk også to KM-vinnarar søndag, ved Bjørnar Overvoll Hole i G 18, og Knut Anders Hatlen i menn senior.

Resultat:

G 11 år: 1. Bernt Marius Rørstad, Volda 7.58.9. 2. Tor Magnus Skorgenes, Tomrefjord 7.59.6. 3. Torgeir Hauso, Volda 8.31.2.

G 15 år: 1. Hans Kristian Hjellbakk Hole, Sunnylven 13.09.8. 2. Bjørn Lundanes, Emblem 13.11.8. 3. Johannes Løkkeborg, Emblem 13.51.7

G 16 år: 1. Ole Sæterbø, Surnadal 13.10.8. 2. Øyvind Hole, Sunnylven 13.12.2. 3. Kenneth Fet, Velledalen 13.23.6. 7. Olav Erling Aaland, Sunnylven 13.31.2.

J 18 år: 1. Anniken Hjellbakk Hole, Sunnylven 14.25.8.

J 19/20 år: 1. Elisabeth Gjerde, Valldal 14.12.9. 2. Kjersti Hoel, Valldal 14.53.8.

G 18 år: 1. Bjørnar Overvoll Hole, Stranda 28.25.3.

Menn senior: 1. Knut Anders Hatlen, Stranda 24.53.8.

Fullstendig resultatliste: http://idrett.speaker.no/Downloads/26068/docs/KMklassisk_resultat.pdf