Stranda-siger på Hellesylt stadion
Juniorlaga til Sunnylven og Stranda gjorde opp om poenga på Hellesylt stadion søndag. Stranda vann 5-0.
Sjølv om Stranda var det førande laget i fyrste omgang stod det 0-0 ved pause. Mellom anna to kjemperedningar av Sunnylven sin keeper Eirik Stenberg heldt buret reint. Sunnylven sin største sjanse hadde Daniel Nybø Støverstein, men skotet strauk stolpen på utsida.
I andre omgang bytte Sunnylven fleire spelarar, mellom anna gjekk Daniel Nybø Støverstein, Helge Tryggestad og Per Ove Frøysa ut då dei er i stallen til a-kamp mot HaNo måndag.
Eit toppa Stranda junior ordna sigeren og poenga med 5-0, Fredrik Astad Sve to, Tarjei Lund Tafjord, Kim Langlo og Daniel Årvik eitt kvar.
På Sunnylven sitt lag hadde fire spelarar junioralder, resten var gutespelarar.
Dommar: Petter Lyshol, FK Sykkylven.


