Fotballjenter song Lennon/Mc Cartney

Ingelin Storstein Hole, Ingunn Runde og Linn-Helene Brekke frå Sunnylven viste nok ein gong at dei kan meir enn å spele fotball på heimbygda sine gode jentelag. Alle fotballinteresserte veit at dei tre har vore mannskap på Sunnylven sitt J16 og J19 lag siste sesong. Linn-Helene er keeper, Ingunn er solid i forsvar og Ingelin har donka inn masse mål for Sunnylven. Sjølv om fotball har vore populært, har også song hatt sin plass heile tida. Frå starten i Hellesylt barnegospel for fleire år sidan har dei utvikla samsongen tii å bi etterspurd  på fleire ulike kulturelle arrangement.

Laurdag var arenaen scena i Storfjord Kulturhus, ein konserten med eit repertoar av både kjende og mindre spela songar frå Lennon/Mc Cartney. Saman med mange gode song og musikkrefter frå kommunen, Jårångskoret, Stranda Blandakor, Cantabile, dansebandet Joy med fleire, vart innslaget med dei tre eit høgdepunkt.