Barmarksamling for Storfjordlangrenn

Løparar i Storfjordlangrenn 2005 under barmarksamling i Sunnylven. Framme frå venstre trenarane Anne Gry Myklebust, Valldal og Jorunn Vigdal, Stranda. Andre rekke: Bjørnar Overvoll Hole, Stranda, Ingunn Sandbakk, Skodje, Ivar Lundanes, Emblem, Runar Korsnes, Emblem, Tarjei Korsbrekke, Emblem, Øyvind Skodje, Ravn, Tarjei Sandal, Emblem, Tryg-Are Løkkeborg, Emblem, Lars Andreas Hoel, Valldal. Bak: Anniken Hjellbakk Hole, Sunnylven, Per Ove Frøysa, Sunnylven, Marthe Hjellbakk Hole, Sunnylven, Lars Eivind Nitter Joranger, Stordal, Eirik Helsem, Stranda, Tarjei Lund Tafjord, Eidsdal, Steffen Andreas Hole, Sunnylven, Vegard Godø, Emblem, Are Tafjord, Valldal, Ole Martin Hauge, Valldal, Lars Petter Hauge, Valldal.

Til saman 20 løparar i alder 14 til 19 år var samla i Sunnylven til barmarkstrening siste helg. Langrennstalenta i Storfjordlangrenn har Anne Gry Myklebust, Valldal og Jorunn Vigdal Stranda som trenarar. Dyktige og seriøse instruktørar som stiller krav til løparane, og med stor kompetanse innan langrenn, både frå aktiv karriere og gjennom utdanning.
-Vi legg vekt på teknikk, styrke og maks stabilitet i treninga, men fokuserer ikkje på prestasjon i det heile. Det får kvar enket løpar ha som personleg målsetjing. Det blir stilt krav til oss som trenarar, og vi stiller våre krav. Løparane må ta til seg læring, utvikle seg og føre treningsdagbok og rapportere tilbake, seier dei to.

Fleire løparar ynskte å vere med i Storfjordlangrenn, men dei to trenarane syntest det var nok med 21. Dei vil fylje opp kvar enkelt, så om fleire skal inn i overbyggningsklubben, meinar dei det må tilsetjast ein trenar til. Etter rulleskitreninga laurdag, vart videoopptak av kvar enkelt løpar sin teknikk gjennomgått og kommentert.

Idrettslag som er representert med løparar i år er Emblem, Sunnylven, Valldal, Stranda, Ravn, Skodje, Eidsdal og Stordal.